Aurreko hilabeteetan Lampedusan, Jordaniako kanpalekuetan, «Balkaneetako bidea» deiturikoan edota Calaisen izan zen Josu Juaristi EH Bilduko eurodiputatua. Oraingoan, etxera itzuli berritan, Lesbos eta Atenasen ikusi eta bizitakoaren testigantza eman dio Infozazpi Irratiari. «Lotsagarria eta onartezina da gertatzen ari dena», adierazi du Juaristik, gaineratuz «errefuxiatuen krisia baino, borondate politikoaren krisia» dagoela Europan.