Urtarrilean 227.334 lagun zeuden Hego Euskal Herriko enplegu bulegoetan izena emanda, Enplegu Ministerio espainolak plazaratutako datuen arabera.
EAEn, abenduan baino 6.797 langabe gehiago egon dira erregistratuta urtarrilean, hau da, %4,06 gehiago.
Araban, urtarrilak 935 lagun gehiago utzi ditu (%3,49 gehiago), 27.733 langabeetara iritsi arte.
Bizkaian, %3,89 egin du gora langabezia erregistratuaren tasak (3.658 lagun) eta, orotara, 97.622 lagun daude enplegu bulegoetan izena emanda.
Gipuzkoan 2.204 langabe gehiago utzi ditu urtarrilak (%4,73 gehiago). 48.816 pertsona daude lan bila herrialde honetan.
Nafarroan, aldiz, 1.675 langabe gehiago utzi ditu urtarrilak, aurreko hilabetearekin alderatuta (%3,25 gehiago).
Iazko datuekin alderatuta, 1.110 langabe gutxiago daude Nafarroan (%0,63 gutxiago) eta 767 gutxiago EAEn (%2,68 gutxiago).
Estatu mailan, urtarrilak 113.097 lagun gehiago utzi ditu enplegu bulegoetan izena emanda (%2,4 gehiago), aurreko hilabetearekin alderatuta.