Gobernu espainolak emandako datuen arabera, otsailaren bukaeran urtarrilean baino 1.784 pertsona gehiago zeuden Hego Euskal Herriko enplegu bulegoetan izena emanda. Orotara, 229.118 daude lanik gabe lau herrialdeotan.
Nafarroan baino ez da jaitsi langabe tasa otsailean (53.082 langabe dago egun), nahiz eta zifra oso txikia izan. Izan ere, 81 lagun gutxiago daude izena emanda enplegu bulegoetan, aurreko hilabetean erregistratutakoa baino %0,15 gutxiago. Iaztik, 3.442 langabe gutxiago dago Nafarroan (%,6.09).
EAEri dagokionean, 176.036 lagun zeuden otsailaren bukaeran enplegu bulegoetan izena emanda, aurreko hilabetean baino 1.865 gehiago (%1,07). Iaztik, 1.970 langabe gutxiago dago (%1,11).
Urtarrileko datuekin alderatuta, Bizkaiak izan du igoerarik handiena, 1.222 lagun gehiago zeudelako lanik gabe (%1,25 gehiago). Otsailaren bukaeran 98.844 langabe zeuden herrialde honetan.
Araban, 307 langabe gehiago utzi du otsailak (%1,11), eta 28.040 pertsona ari ziren lan bila otsaila bukatzerako.
Gipuzkoak izan du hazkunderik apalena, %0,69 egin baitu gora langabe tasak (336 pertsona), urtarrileko datuekin alderatuta. 49.152 gipuzkoar daude izena emanda enplegu bulegoetan.
Estatu mailan, oso jaitsiera xumea izan du langabezia erregistratuak (1.949 pertsona, %0,04), eta 4.812.486 langabe zeuden guztira otsailaren bukaeran.
Fermin Muguruzak 40 urteko ibilbidea berpiztuko du Bilbao Arenan eskainiko duen kontzertuan
El despegue de EH Bildu y el retroceso del PNV provocan un empate inédito
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
