Naiz.info
Donostia

Jabi Martinez Izagirre presoaren lagunek istripua izan dute Jaengo espetxetik bueltan

Istripua Cabreran gertatu da, Madrilen, eta autoan zihoazen lagunek ez dute zauririk jasan, baina ibilgailuak kalte material handiak izan ditu. Jaendik Euskal Herrirako bidean ziren.

Istripua Cabreran gertatu da eta autoak kalte material handiak jasan ditu. (NAIZ.INFO)
Istripua Cabreran gertatu da eta autoak kalte material handiak jasan ditu. (NAIZ.INFO)

Jabi Martinez Izagirre preso politikoaren lagunek auto istripua izan dute, Cabrera inguruetan, Madrilen.

NAIZek jakin ahal izan duenez, Jaengo espetxetik Euskal Herrirako bidean ziren Martinez bisitatu ondoren.

Autoan zihoazen lagunek ez dute zauririk jasan, baina autoak kalte material handiak izan dituela jakinarazi dute. Horrela, taxi batean itzuli behar izan dute etxera.

Martinezi 197/2006 doktrina aplikatu zioten. Kalean behar luke 2010 urtez geroztik, baina 2022ra arte luzatu diote espetxe zigorra.