NAIZ.INFO
IRUÑEA

Errausketaren aurkako flashmob-a egin dute Bakaikun

Ozenki abestuz eta dantzatuz, Bakaikuko herritarrek eta Euskal Herriko hainbat tokitatik etorritako lagunek flashmob-a grabatu zuten uztailaren 27an, Sakanan jarri nahi duten errauskailuaren proiektuari ezezkoa emateko.

Olatzagutiako zementu-fabrikan hondakinak errausteko plantarik nahi ez dutela argi eta garbi utzi zuten iragan uztailaren 27an Bakaikun. Bertako herritarrez gain, Euskal Herriko hainbat tokitatik –Sakana, Lautada eta Lizarraldea– hurbildutako lagunek parte hartu zuten ekimenean.

Aldarrikapena plazaratzeko, ekimen ikusgarria burutu zuten, flashmob baten bitartez, dantza, kantu eta oihuen bitartez adierazi baitzuten errausketak «gure osasunaean eragin kaltegarria» izango duela.

Hori dela-eta, herritarrei deia egin diete, proiektuaren aurka antolatzen diren ekimenetan parte har dezaten.