Kontsumorako Prezioen Indizeak (KPI) behera egin du nabarmen urtarrilean Hego Euskal Herrian, INE estatistika institutu espainolak plazaratu dituen datuek erakusten dutenez.

Abenduarekin alderatuta, Nafarroan izan da beherakadarik handiena, %1,8 jaitsi baitira prezioak.

Araban %1,5ekoa izan da beherakada; Bizkaian, %1,4koa eta, Gipuzkoan, %1,3koa.

Urte arteko inflazioari dagokionez, ordea, Nafarroak bakarrik eutsi dio tasa negatiboari (-%0,4). Gainerako hiru herrialdeetan inflazioak gora egin du: Bizkaian, %0,7; Gipuzkoan, %0,6; eta Araban, %0,4.

INEren arabera, erregaien prezioen beherakadak eta tabakoaren salneurrien egonkortzeak eragin du prezioen merkatzea urtarrilean.