Bi euskal preso politiko gutxiago daude ostegun honetatik Estatu espainoleko espetxeetan. Etxerat elkarteak sare sozialen bitartez jakitera eman duenez, Sebas Lasa eta Alfontso Sebastian Antiguako (Donostia) presoak aske gelditu dira goizeko lehen orduan, hogeina urteko espetxe zigorrak beteta.
Sebas Lasaren kasuan, Villenako kartzelatik (Alacant) atera da.
Sebas Lasa euskal preso politikoa aske 20 urteren ondoren. Villenako espetxetik atera berri da. Ongi etorri Sebas! #BatGutxiago pic.twitter.com/xy6LUbdyxf
— Etxerat Elkartea (@EtxeratElkartea) 2018(e)ko apirilak 26
Alfon Sebastian, aldiz, Valladolideko espetxean zegoen.
Alfontso Sebastian euskal preso politikoa aske 20 urteren ondoren. Valladolideko espetxetik atera da. Ongi etorri Alfon! #BatGutxiago pic.twitter.com/i5njcnOLur
— Etxerat Elkartea (@EtxeratElkartea) 2018(e)ko apirilak 26
Espetxe atarian senide eta lagunak zain zituzten bi presoek eta ondoren Euskal Herrirako bidea hartu dute.
Arratsaldeko 19.30ean egingo diete lehen harrera beraien auzoan, Antiguan.