Igandero, 12.00etan, Kataluniako preso eta exiliatu politikoen aldeko ekimena egin ohi dute Lledonerseko espetxean –bertan daude preso Oriol Junqueras, Jordi Sanchez eta Jordi Cuixart, Quim Forn, Raül Romeva, Jordi Turull eta Josep Rull–. Igandero, hizlari ezberdin bat izan ohi dute; Txutxi Ariznabarreta, Independentistak Sareko kidea, izan da gaur mobilizazioa mezuz janztearen arduraduna.
Jordi Pesarrodona Sant Joan de Vilatorradako alkatearen gidaritzapean, eta hainbat aktuazio musikalen ostean, hartu du hitza Ariznabarretak. Bere hitzartzean, elkartasun eta konplizitate mezu bat hedatu du, baita Kataluniako, Euskal Herriko eta munduko preso politikoen askatasuna aldarrikatu ere.
«Eredugarritzat» jo du igande honetan Lledonerseko espetxe atarian egin duten gisako ekitaldiarekin jarraitzea. «Euskal Herrian asko ikasi dugu gauza hauen inguruan, baina eurak ere azkar ikasi dute», adierazi dio NAIZi.
Txutxi Ariznabarreta Lledonerseko espetxe aurrean egiten ari den elkarretaratzean.#Lledoners #LlibertatPresosPolítics
— Independentistak.eus (@indesarea) 21 de octubre de 2018
pic.twitter.com/j49ip52ALC
Kataluniako prozesuak aurrera egin dezan «batasuna» aldarrikatu du Independentistak Sareko eledunak, «atzeraezintasunaren umbrala» gainditu dutela eta independentzia denbora kontua dela gaineratuz. Denborak aurrera egiten duen bitartean, baina, Kataluniako herriaren «batasuna, grina eta bizitasuna» mantentzearen alde egin du: «Herriak jarri zuen prozesua martxan eta herriak eramango ditu independentziara».
Atzo, larunbatez, Juan Jose Ibarretxe lehendakariarekin batera hitzaldia eman zuen Ariznabarretak Sant Vicenç de Castelleten ‘Euskadi - Catalunya. Dos camins i un destí: independència’ lelopean.
Goraino bete zen aretoa eta hitzaldiaren ostean 350 laguneko afaria egin zuten.
Llibertat, democràcia i #República, amb tothom a casa! 🎗️
— Adriana Delgado 🎗️ (@adrianadelgadoh) 21 de octubre de 2018
Debat amb @LHKibarretxe i Txiqui Ariznabarreta i sopar groc a #SVCastellet per la #LlibertatPresosPolítics #LlibertatPresesPolítiques, amb excel.lent organització de StVicenç Decideix/@ANC_SVCastellet.
📸 @Silviaoliveras pic.twitter.com/KWtNhbbBc8
