naiz
Iruñea

«Alde hemendik» lelopean manifestazioa egin dute Iruñean

Amnistiaren Aldeko eta Errepresioaren kontrako Mugimenduak deituta, «espainiar indar okupatzaileek Euskal Herritik alde egitea» aldarrikatu dute gaur goizean Iruñean. «Preso guztien amnistia» ere eskatu dute.

«Alde hemendik» lelopean manifestazioa egin dute Iruñeko kaleetan. (Iñigo URIZ / FOKU)
«Alde hemendik» lelopean manifestazioa egin dute Iruñeko kaleetan. (Iñigo URIZ / FOKU)

Iruñeko Alde Zaharreko kaleak ‘Alde Hemendik’ zioen leloaren atzetik gurutzatu ditu mobilizazioak gaur goizean. «Alde hemendik, utzi bakean» oihupean abiatu dira Baratxurien plazatik.

«Indar okupatzaileak, kanpora», «borroka da bide bakarra» eta «presoak kalera, amnistia osoa» bezalako aldarriak ere entzun ahal izan dira nafar hiriburuko erdigunean.

San Frantzisko enparantzan amaitu dute ekimena. «Gogoa eta oroimena aldarrikatzen ari gara espainiar koroa eta elizaren bortxaz munduko hainbat herri zapaldu, odolustu eta menperatu zituztenetik bost mende iragan direnean», adierazi dute irakurri duten oharrean.

«Bost mende igaro dira baina futnsean gutxi aldatu da», gehitu dute. «Euskal herria herri inbaditua baino ez garaitua da. Okupazio eta indar armatuak, alde hemendik», adierazi dute.