Donostiako Aste Nagusia azken txanpan da. Abuztuaren 16an Los Zigarros rock&roll talde valentziarra igoko da oholtzara. Taldekideak Ovidi Tormo (bokalista eta gitarrista), Alvaro Tormo (gitarrista), Adrian Ribes (bateria) eta Nacho Tamarit (baxu- jolea) dira.

Eta Aste Nagusiari amaiera emateko, La La Love You pop punk musika taldea izango da, Parla, Madrilgo udalerrian 2007an sortua. Haien kideak, musika egiten gozatzen duten lau lagun, honako hauek dira: Roberto Amor (ahotsa eta gitarra), David Merino (ahotsa eta gitarra), Lydia Carre (koruak eta baxua) eta Oscar Hoyos (bateria).

Sagueseko musika kontzertuak 23.45ean hasiko dira, su artifizialen ostean, ohiko lez, eta guztietarako sarrera doakoa da.