NAIZ+

Otzarretako pagadia, Twitterreko izar

Telemadrid kateko kazetaria den Ibon Perezen ikusmina eragin zuen naturak eskaintzen zion estanpa eta bere Twitter kontuan partekatutako bideoa ia 120.000 aldiz izan da ikusia bi egunetan.

 Otzarretako Pagadia. (@GorbeiaEuskadi)
Otzarretako Pagadia. (@GorbeiaEuskadi)

Udazken koloreen ispilu da egunotan Gorbeiako Parke Naturalean dagoen Otzarretako pagadia. Hostoek kolore berdea galdu eta gorriz tindatuak ageri dira, lurra estaltzen duen alfonbra-gorri amaigabe bat osatuz. Inguruak Telemadrid katean kazetaria den Ibon Perezek naturak eskaintzen zion estanpa larunbatean partekatu zuen bere Twitter kontutik eta bideoa ia 120.000 aldiz izan da ikusia bi egunetan.

«Hil aurretik lekuren bat ikusi nahi izanez gero, hauxe da lekua» dio Araba eta Bizkaia batzen dituen pagadiaren irudiak biltzen dituen txioak.

Bideoa haatik, ez de Perezena, Felix Urrutiak Vimeon zabaldu zuen dezente lehenago.

"OTZARRETA FOREST" (Gorbeia) Euskal Herria from Felix Urrutia on Vimeo.

Kolore biziez gainera, zerura begira hazten diren adarrak era badira natur ingurune honen beste berezitasuna. Izan ere, zuhaitz horiek ikatza ekoizteko erabili izan ziren mendeetan eta ikazkinen aitzinako tradizio horren lekuko da oraindik adarren norabidea.

Ehun urteko pagoak zeharkatzen dituen kolore bereziko errekatxoak izaera mistikoa ematen dio inguruari. Hau dela eta baso sorginduaren fama irabazi du garai askotan inguruak.

Naturako argazkizale franko erakartzen ditu Otzarreta pagadiak eta Twitter ere bada irudi horien bilgune: