Besten ospakizuna berreskuratu du Sarako herriak
Herriko bestak ospatzen ari da irailaren 11az geroztik Sara. Irailaren 15era arte luzatuko diren ospakizunak iazko etenaldiaren ondotik ohiturak berreskuratu ditu. Igandean, goizean Baigorriko gaiteroek karrikak alaitu ondotik, 16.30ean desfilea hasi zen plazan. Herri kirolekin ere gozatu ahal izan zuen publikoak, sokatira, orga-joka, zaku lasterketa eta ontzi altxatzea tarteko. Joseba Tapiaren eta Dj Jotatxoren musikak egunari bukaera eman zion. Ipar Euskal Herriko hainbat herritan bezala, publikoak osasun pasea erakutsi behar izan zuen eta bertan zegoen enpresa pribatu bat kontrolaz arduratu zen. Geroz eta usuago ikusten ari den praktika da, Lapurdi, Baxe Nafarroa eta Xiberoko bestetan.
SEP. 13 2021