CCOO eta UGTk Estatu espainolean deitu dituzten mobilizazioen baitan, Hego Euskal Herriko lau hiriburuetan eta Tuteran ere manifestazioak antolatu dituzte gaur arratsalderako. Bilbon, Donostian eta Gasteizen 19.00etan egingo dira, eta Iruñean eta Tuteran, berriz, 20.00etan. SATSE, SAE, UTESE eta CSIF sindikatuek bat egin dute deialdiarekin.
Horretaz gain, ELAk deituta Lakuako Gobernuaren egoitzaren aurrean, Bilbon, elkarretaratzea egin dute eguerdian arlo publikoko langileek.
Osasun alorrean, konzentrazioak egin dira Basurtu eta Txagorritxuko ospitaleen aurrean, goizean, eta Renfe eta Adif-eko langileek ere protestak antolatu dituzte, Irunen eta Bilbon.
Atzo, gehiengo sindikalak eta hainbat gizarte eragilek deituta, elkarretaratze zaratatsuak egin zituzten hogei bat hiritan murrizketen aurka.