Gaurko goizaren bideo-kronika - Ateak Ireki
Arantzadi Auzolanean taldearen herri baratzean sartu dira berriz poliziak lagunduta makinak. Bertatik adierazi dutenaren arabera 9.30ean hasi dira poliziak iristen eta berehala agertu dira makinak. Hainbat zuhaitz bota eta lanei ekin diete. Orduan baratzeetan ziren bi lagun makinaren gainera igo dira.
Poliziak komunikabideak kanporatu ditu, eta baita bertan ziren herritarrak ere eta makinara igo diren bi pertsonak atxilotu egin dituzte. Arantzadi Auzolanean taldetik salatu dute «lurra eta honen fruituak babesteagatik» pasako direla epailearen aurretik bi herritarrak.
Ostiralean inaugurazioa
Nekazaritzaren interpretazio museoa egin asmo du Udalak egun Arantzadiko baratzeak diren lekuan eta ostiralerako iragarri dute inaugurazi ekitaldia. Orain arte baratzeak kudeatzen zituztenen ustez «begi bistan dago inaugurazio ekitaldiaren egunean ez dutela han inor egoterik nahi» eta horregatik deialdia egin diete herritarrei bertaratzeko. 9.30ean jarri dute zita, Beroizen baratzearen ondoan, protesta egiteko.
Udalaren asmoei aurre egiteko protesta ugari izan da azken asteotan, eta hainbat lagun atxilotu ere egin dituzte.