Eneko Lazkozek sinatu du saiorik borobilena Lakuntzan. Azken final laurdena izan du gaur Nafarroako Bertsolari Txapelketak eta gaurkoaren ondotik erabaki da hurrengo faserako sailkatuen zerrenda. 260,5 punturekin amaitu du saioa Lazkozek; bere atzetik, Xabier Terreros (244), Iñigo Olaetxea (242), Xabier Maia (230,5), Patxi Castillo (228) eta Ioar Tainta (215,5).
Final laurdenetako saio bakoitza irabazi dutenak zuzenean sailkatu dira finalerdietara. Lazkoz bera, Julio Soto, Jon Barberena, Aimar Karrika eta Ander Fuentes "itturri"ren kasua dira. Gainontzeko bertsolariak puntuazioaren arabera sailkatu dira. Lehian bizirik jarraitzen dute, beraz, Oier Lakuntzak, Oskar Estangak, Xabier Terrerosek, Eneko Fernandezek, Iñigo Olaetxeak, Julen Zelaietak, Miel Mari Elosegi "Luze"k, Saioa Alkaizak, Amaia Elizagoienek, Alazne Untxalok, Sarai Roblesek, Kotte Plazak eta Aritz Saraguetak.
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
Abenduaren 21erako bigarren kontzertu bat iragarri du Muguruzak, lehenerako sarrerak agortuta
