G7aren aurkako mobilizazioa egin dute Iruñeko Udaletxearen aurrean

Astearte arratsaldean dozenaka lagun bildu dira Iruñeko Udaletxearen aurrean, bertako G7-Ez! plataformak deituta, munduko agintarien bilkura salatuz eta «beste mundu bat posible dela erakusteko ehuntzen jarraitzeko».

NAIZ|14/08/2019
G_irunea
G7-Ez! Iruñeko plataformaren elkarretaratzea, Udaletxe Plazan.

Hurrengo asteburuan Biarritzen egingo den G7a salatzeko han-hemenka sortu dira ekimenak, eta horien artean dago Iruñean eraturiko plataforma. Astearte honen arratsaldean elkarretaratzea burutu du Udaletxearen aurrean. Bertatik, hilaren 24 larunbatean Hendaian eta 25 igandean Lapurdiko zenbait tokitan antolatutako elkarretaratzeetan parte hartzera animatu dute.

Zazpi ardatzetan laburbildu dituzte beren helburua: «Mundu berri bat eraiki dezagun, kapitalismoa eta multinazionalen diktadura gaindituz», «Planetaren suntsitzea geldi dezagun, zain ditzagun lurra eta bizitza», «Mundu feminista baten alde, heteropatriarkatua desagerrarazi dezagun», «Herrien aniztasuna eta askatasuna defenda ditzagun, kolonialismo eta diskriminaziorik gabeko mundu baten alde», «Demokrazia eta eskubide guztiak denontzat, autoritarismoa akatu dezagun», «Herrien arteko elkartasuna, gerra eta inperialismoari ez» eta «Inor ez da ilegala, mugak eraitsi ditzagun».

Biarritzeko agintarien batzarraz zera esan dute: «Lapurdin hartuko diren erabakiek milaka pertsonei eta herri askori eragingo diete. Honela, gu denon izenean erabakiak inposatuko dituzte. Nor da G7a milioika pertsonek aukeratutako ordezkariak baztertuz, kaltetuko gaituzten erabakiak hartzeko? G7a demokraziaren pribatizazioa da».

NOTICIAS RELACIONADAS

 

 

NAIZ
Loading player...


Koronabirusaren krisiak kaltetutako taldeei laguntza ekonomikoa eman eta euskal musikaren industria babestu eta kulturari egiten dion ekarpena balioan jarri nahi du NAIZ Kontzertuak ekimenak.

Elene CARRETO - FOKU
Loading player...


Konfinamenduaren erronketako bat da geure buruak eta gorputzak zaintzea. Bide horretan, NAIZek zumba saioak eskainiko ditu egunero, astelehenetik ostiralera, Elene Carreto dantzari durangarraren eskutik.