Donostiako Untzi Museoak Ricardo Ugarte de Zubiarrain artistaren obran itsasoak duen garrantzia agertzen duen erakusketa antolatu du. “Ricardo Ugarte de Zubiarrain. Itsasbide eskultorikoa” izenpean, Pasaiako eskultorearen obra grafikoak eta eskulturak jarri dira ikusgai, eta horietan itsas elementuek duten presentzia nabarmendu nahi da: mutiloiak, aingurak, txopa gazteluak, brankak eta belak, besteren artean. Erakusketa irailaren 30era bitartean egongo da ikusgai.