J.L.
Idi-probak

Olidenen idiek erabateko nagusitasuna erakutsiz irabazi dute

Olidenen idiek erabateko nagusitasuna erakutsiz eraman zuten herenegun gauean Euskal Herriko txapela, Elgoibarren jokatu zen finalean.

Pasa den urtean Euskal Herrian aritu ziren hiru idi-parerik onenek parte hartzen dute final honetan, eta horietako bakar bat zen Gipuzkoakoa eta berak eraman zituen mantak.

54 plaza, 1/4 eta 1,53 metro egin zituzten, eta horrekin lehen postua segurtatu zuten. Bigarren postua Andrakasen uztarriarentzat izan zen. 48 plaza, 3 zinta eta 3,61 metro egin zituen. Azkena, berriz, Rementeriaren uztarria sailkatu zen, eta honek 37 plaza egin zituen. Jendearen erantzuna ere bikaina izan zen, Elgoibarko probaleku berriko harmailak erabat bete baitzituzten.