Ertzaintzak Zizurkilgo Kaxilda gaztetxea hutsarazi du, Hondarribiko Egiluzen gauza bera egin eta 24 ordutara. 09:00ak pasata sartu dira agenteak gaztetxera, baina barruan ez zegoen inor. Tolosaldeko Atariak jakinarazi duenez, ondoren eraikinaren jabetza aldarrikatzen dutenak sartu dira bertara. Eguerdirako guztiek alde egin dute bertatik.
17 urtez hutsik egon ostean, iazko apirilean okupatu zuen eraikina herriko gazte talde batek. Ordutik, Zizurkilgo Udala, eraikinaren jabeak eta gazteak hainbatetan bildu izan dira, baina abenduan bi kide epaitegietara deitu zituzten. Kaxilda gaztetxearen berehalako hustea agindu zuen epaileak eta 1.100 euro inguruko isuna ezarri zien bi auzipetuei.
Epai hori gaur ostiralean gauzatu du Ertzaintzak. Aiztondoko Gazte Asanblada, ‘Ataria’k dioenez, jakinaren gainean zegoen, hau edozein egunetan gertatu zitekeela eta balizko ondasunak eramanak zituzten. Gaur ere izan omen dute gauza gehiago ateratzeko aukera.
Gazte Asanbladak larunbatean agerraldia egingo du, 17:00etan, herriko Joxe Arregi plazan, kasuaren inguruko haien bertsioa helarazteko. Gogora ekarri dutenez, Tolosako Ezpala gaztetxea ere desalojo arriskuan dago.
Gaztetxea behar-beharrezko tresna dugu gazte langileok antolatzeko eta beraz indar errepresibo guztien gainetik gu espazio hauen defentsan berresten gara!
— Aiztondoko Gazte Asanblada (@AiztondokoGA) March 6, 2020
ADI GURE SARE SOZIALEI, laister informazio gehiago.
GORA GAZTETXEEN LORALDIA!
AURRERA KAXILDA GAZTETXEA!
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
