Iker Martinez de Lagos euskaltzaleen Topaguneko kidea iritzi emaile gisa estreinatu da gurean. 'Zubideiak' proiektuari buruz hitz egin digu, euskara, aniztasuna eta bizikidetza ardatz hartuta, maiatzaren 7rako antolatzen ari diren gune irekiaz. Bertaratzen diren guztien artean elkarrizketa sozial bat izatea da gune horren helburua, euskara hainbat modutara bizi, erabili eta sentitzen dutenen arteko ariketa egin nahi dute: euskaltzaleak, euskaraz jakin arren erdaraz bizi direnak, euskara urrunetik bizi dutenak nahiz etorri berriak.