Astelehenetik abian dira Emakumeon Mundu Martxaren XI. Nazioarteko Topaketak Bilbon. Bi urtean behingo zita ibiltaria oraingoan Euskal Herrian egokitu da. Igandera arte mundu osoko hainbat herrialdetako ehun ekintzaile feminista baino gehiago daude Bilbon, mugimenduaz eta esku artean dituzten borrokez eztabaidatzeko.

Nazioarteko topaketak igandera arte iraungo du. Baina larunbatean, euskal mugimendu feministaren ekimenez, Feministon Herria egingo dute, Areatzan eta inguruetan. Alternatiba eta erresistentzia feministak erakusteko lekua izango da.