«Herrialdea porrotera eraman nahi dute; ekidin egin behar dugu» izan da mobilizazioaren leloa. Goizeko 10.00etan zortxi martxa abiatu dira Madrigo toki ezberdinetatik eta eguerdian Kolon plazan egin dute ekitaldia.
Milaka lagun bildu dira UGT eta CCOO sindikatuek beste 150 gizarte eragilerekin batera deitu duten manifestazioan.
Antolatzaileek azaldu dutenez, 2.000 autobus heldu dira Estatu espainiarreko toki ezberdinetatik eta miloi erdi pertsonak bat egin dutela manifestazioarekin zabaldu dute.
Bukaerako ekitaldian CCOO eta UGT sindikatuko ordezkariek murrizketei buruzko erreferendum bat egiteko eskatu diote Espainiako Gobernuari.
Manifestazioaren inguruetan lau lagun ere atxilotu dituzte. Poliziak eta agentzia nagusiek identifikatzeari uko egiteagatik atzeman dituztela adierazi duten arren, hainbat lekuko eta komunikabidek azaldu dute irailaren 25ean Kongresua okupatzeko deia egiten zuen pankarta bat eramateagatik jazo dela gertakaria [Atxiloketaren bideoa, hemen]. Ordu batzuren buruan, aske utzi dituzte.
Bestalde, mobilizazioa bukatu ondoren, ehunka lagun PPren egoitza nagusira gerturatu dira protesta egitera. Polizia ugari egon da, baina ez da istilu nabarmenik izan.
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
