«Bertsolari» filmaren DVDan, Asier Altunak zuzendutako dokumentalaz gain, bestelako material osagarriak biltzen dira. Horrela, batetik, filman jaso ez diren sekuentziak daude, eta, bestetik, sormen prozesuari buruz Andoni Egaña bertsolariari, Altunari berari eta Laurent Dufreche editoreari egindako elkarrizketak. Halaber, filmaketaren «making off» delakoa ere ikus daiteke.

Dokumentala, jatorrizko bertsioaz gain, zazpi hizkuntzatan segi daiteke azpitituluen bidez, alegia, euskaraz, katalanez, gaztelaniaz, frantsesez, ingelesez, alemanez eta italieraz.

Abenduaren 15etik aurrera dendetan izango da eta abenduaren 6tik 9ra Durangoko Azokan.