Bilboko Alondegian egin dute Korrika 18ren jendaurreko aurkezpena. Aurtengo edizioari ekiteko astebete falta den honetan jendetza izan da aurkezpenean eta ekimena girotzeko baliatu dute gaurko zita.
Esne Beltza taldeko DJ-ak jarri dio musika ekitaldiari, Beñat Vidal AEK-ko kideak, aldiz, ahotsa. Honen bertso sorta batek eman dio hasera aurkezpenari.
Edurne Brouard Korrika-ko zuzendariak eta Mertxe Mujika AEK-ko koordinatzaileak hartu dute hitza. Ekimenaren nondik-norakoen berri eman dute -noiz eta non hasi eta amaituko den gogoratuz eta ‘Eman euskara elkarri’ leloa aipatuz- eta euskararen egoeraren inguruko irakurketa bat egin dute.
Era berean, erakunde eta instituzio ezberdinei euskararen normalizazioan pausoak emateko dei egin diete.
Euskara ikasleak omenduko dituztela gogoratu dute eta euren omenez egin duten bideoa proiektatu dute, baita edizio honetako bideoklipa ere.
Aurkezpenean izan dira, besteak beste, Iñigo Lamarka (Arartekoa), Miren Dobaran (Bizkaiko Foru Aldundia), Unai Sordo (CCOO), Paul Bilbao (Kontseilua), Joseba Erkizia (HABE), Eusko Jaurlaritzako Kristina Uriarte (Kultura sailburua) eta Patxi Baztarrika (HPS), Ainhoa Etxaide (LAB), BILDUko Bilboko zinegotziak, Idoia Mendia (PSE-EE), Aizpea Goenaga (Etxepare Institutoa) eta Lorea Bilbao (EAJ).
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
