Abel Barriolak arazoak ditu eskuetan eta ezingo du igandean Olaizola II.aren aurka aurreikusita zegoen partida jokatu. Beraz, norgehiagoka atzeratzea erabaki du epaileak.
Buruz Buruko txapelketako partida, beraz, maiatzaren 25eko asteburuan joka daiteke, edo ondoen egokituko den data batean.
Gonzalezi zigorra
Aspek, bere aldetik, Sebastian Gonzalez zigortu egingo duela iragarri du. Bilera egin dute gaur Fernando Vidarte, Iñaxio Errandonea eta Jose Vicente Perosanz abokatuak eta «profesionaltasun faltagatik» zigortuko dute, nahiz eta zehaztasun gehiagorik ez duten eman.
Final laurdenak, Donostian, Bilbon, Hendaian eta Iruñean
Buruz Buruko txapelketako hurrengo faseko norgehiagokak Donostian, Bilbon, Hendaian eta Iruñean jokatuko dira.
Final laurdenak ostiralean abiatuko dira Atano III.a pilotalekuan, Martinez de Irujo eta Beroizen arteko lehiarekin.
Larunbatean Hendaian izango dira Bengoetxea eta Jaunarena. Igandean, Urrutikoetxeak eta Idoatek jokatuko dute Bilbon.
Azken final laurdenetako partidako irabazlea beranduago jakinaraziko da, atzeratu egin baita Barriola eta Olaizola II.aren arteko partida.
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
¿Quién le ha dicho a Pradales que mienta?
