Hego Euskal Herrian 210.200 pertsona zeuden lanik gabe 2013ko bigarren hiruhilekoan, Estatistika Institutu espainolak zabaldu dituen Populazio Aktiboaren Inkestaren arabera. Lehen hiruhilekoarekin alderatuta, 12.400 langabe gutxiago zeuden, beraz.
Herrialde guztietan egin du behera langabeziak. Nafarroan guztira 55.400 langabe daude, aurreko hiruhilekoan baino 2.600 gutxiago.
Bizkaian 8.100 langabe gutxiago zenbatu dira; guztira 88.800 daude.
Araban, 1.300 gutxiago daude; guztira, 24.300.
Gipuzkoan, azkenik, 41.400 pertsona daude lanik gabe, lehen hiruhilekoan baino 400 gutxiago.
Langabezia tasari dagokionez, Nafarroak jarraitzen du altuena izaten; populazio aktiboaren %18,32% lanik gabe dago. Jaitsi egin da aurreko hiruhilekotik.
Bizkaian eta Araban ere behera egin du: %16,72 eta %15,64ko tasa dute, hurrenez hurren.
Gipuzkoan hamarren bat besterik ez da jaitsi, %13,26ra.
225.354 Euskal Herri osoan
INEren datuak eta INSEE estatistika institutu frantsesarenak aintzat hartuta, 225.354 langabe daude Euskal Herri osoan, aurreko hiruhilekoan baino 12.000 gutxiago, Gaindegiak jakinarazi duenez.
INSEEren estimazioen arabera, Lapurdin, Zuberoan eta Nafarroa Beherean 15.154 pertsona daude langabeziaren zerrendetan, aurreko hiruhilekoan bezala.
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
