Josu Zabaletak (Legazpi, 1948) jaso du 2013ko Espainiako Itzulpengintza Saria, Kultura Ministerio espainolak jakinarazi duenez. Euskarazko itzulpengintzan aitzindarietako bat izan delako eta euskaraz lengoaia literario eta poetikoa garatzeagatik eman diote saria. 20.000 euro jasoko ditu legazpiarrak.
Zabaleta Filosofian lizentziaduna da eta euskara eta gaztelaniaz gain frantsesa eta italiera ere menderatzen ditu.
Petrarca, Pirandello, Maupassant, Saint-Exupery, Balzac, Baroja, Popper, Twain, Daudet eta beste hainbaten lanak itzuli ditu euskarara. Testu dibulgatiboak eta teknikoak ere itzuli ditu, baita telebistako dokumentalak ere.
‘Senez’ aldizkariko zuzendaria izan da, Hordago argitaletxeko euskarazko argitalpenen arduraduna, Lur Hiztegi Entziklopetikoaren zuzendaria, Euskaltzaindiako kide eta EIZIE Euskal Idazle, Zuzentzaile eta Interpreteen Elkarteko sortzaileetakoa.
Euskadi Literatura Saria bi aldiz irabazi du: 2001ean, Guy de Maupasanten ‘Fantasiazko ipuinak’ lanagatik, eta, 2008an, berriz, Bufalinoren ‘Gaueko gezurrak’ liburuagatik.
Euskal itzultzaile batek sari hori irabazten duen lehen aldia da.
El despegue de EH Bildu y el retroceso del PNV provocan un empate inédito
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
