NAIZ

300 hildakotik gora Txinan, lurrikara baten ondorioz

Txina hego-mendebaldeko Yunnan probintzian gertatu da lurrikara eta Ritcher eskalan 6,5 gradukoa izan da.

Lurrikarak kaltetutako eraikinak. (STR /AFP)
Lurrikarak kaltetutako eraikinak. (STR /AFP)

Datozen egunetan hildakoen kopurua handitu daiteke, ia 200 lagun desagerturik baitaude lurrikararen ondorioz. 365 hildako da zabaldu duten azken zifra. Txinako Sismologia Zentroaren arabera, lurrikara 16.30ean gertatu da -08.30 GMT- eta Ludian konderrian izan du erdigunea.

Lurrikararen eraginez, 12.000 etxebizitza eraitsi eta beste 30.000 inguru hondatu dira, antzinako etxeak gehienak.

Polizia eta erreskate zerbitzuetako langileak ezbeharraren tokira gerturatu dira. Txinako agintariek 2.500 militar eta 700 polizia eta suhiltzaile mugiarazi dituzte, hondakinen artean bizirik egon daitezkeen pertsonak aurkitzen saiatzeko.