Abian da #Josi leloari helduta Bizkaiko Bertsolari Txapelketako azken txanpa, gaur zen lehen finalaurrekoa Etxebarrian eta Iratxe Ibarra izan da puntu gehien lortu dituena, 474,5. Ez da alde handirik izan, hala ere. Puntu bakarreko aldea izan du Ibarrak Fredi Paiarekiko eta gainontzekoak ere ez dira gehiegi aldendu.
Joseba Artzak 469 puntu lortu ditu, kopuru bera Eneko Abasolo ‘Abarkas’-ek eta bi gutxiago, 467, Ander Elortegik. Miren Amuriza izan da seigarren sailkatua baina puntuz ondo hau ere, 464rekin. Bere burua kanpo ikusiz edo, Miren Amurizaren agurra:
"Agur Bizkaia eta agur Etxebarri" kantatu du agurra Mirenek
— Maider Iantzi (@gara_miantzi) November 22, 2014
Kontuak horrela, abenduaren 20an Bilboko Miribillan izango den finalerako lehen sailkatua Markina-Xemeingo Iratxe Ibarra da.