Zuberoako maskarada Barkoxen

Beste bi baino ez dira geratzen. Bi aukera geratzen dira Idauze-Mendiko gazteek antzeztutako 2015eko maskaradak ikusteko eta entzuteko. Atzo Barkoxen eman zuten, datorren astean Sohütan eskainiko dute eta hilaren 19a Idauze-Mendin.

Gotzon ARANBURU|BARKOXE|2015/04/06
Loading player...

Ikusgarria izan da igandeko emanaldia Barkoxen, Pierre Topet ‘Etxahun’ koblakari mitikoaren herrian. Goizeko hamarretan barrikadekin hartu dituzte herritarrek maskaradako buhameak, xorroxak eta enparauak. Eguerdian bazkaldu egin dute eta arratsaldeko lehen orduan hasi da ikuskizuna herriko plazan, berrehun bat lagunen aurrean.

Oso gazteak izan dira aurtengo joko egileak, eta horietarik asko neskak, gehiengoa dantzarien artean. Bitxikeria bat: xorrotx nagusia –Jean Michel Ondarzuhu– eta xorrotx mutila –Cedric Elgoien– osaba ilobak dira. Haien guztien dantzak, jauziak, kantuak eta bihurrikeriak nagusitu dira Zuberoako ekialdeko mugako herrian, ikusleen gozamenerako.

Aurtengo maskaradak ikusteko beste bi aukera geratzen dira: heldu den astean Sohütan, eta hilaren 19an Idauze-Mendin, aurrenekoa ematen zuten toki berean, ohitura baita lehenengoa eta azkenekoa emaileen herrian eskaintzea. Hala, bi aste barru bukatuko da urtarrilaren 18an hasitako zikloa.

 

 

NAIZ
Loading player...


Koronabirusaren krisiak kaltetutako taldeei laguntza ekonomikoa eman eta euskal musikaren industria babestu eta kulturari egiten dion ekarpena balioan jarri nahi du NAIZ Kontzertuak ekimenak.

Elene CARRETO - FOKU
Loading player...


Konfinamenduaren erronketako bat da geure buruak eta gorputzak zaintzea. Bide horretan, NAIZek zumba saioak eskainiko ditu egunero, astelehenetik ostiralera, Elene Carreto dantzari durangarraren eskutik.