NAIZ

Jendetza batu da Zubietako erraustegiaren kontrako martxan

Errausketaren kontrako mugimenduak Zubietako erraustegiaren eraikuntza salatzeko martxa egin du.

Jendetza batu da Zubietan erraustegiaren kontrako martxan. (Jon URBE / ARGAZKI PRESS)
Jendetza batu da Zubietan erraustegiaren kontrako martxan. (Jon URBE / ARGAZKI PRESS)

Zubietako erraustegiaren kontrako martxa egin dute gaur goizean. Andoain, Zizurkil, Hernani, Añorga, Lasarte, Zubieta eta Usurbildik martxaren adar bana irten da goizean eta Letabiden, non Gipuzkoako Aldundiak lurzoru horretan egin nahi du planta, elkartzekoak ziren.

Baina eguraldia dela-eta, Zubietako frontoian egin dute ekitaldi nagusia eta erraustegiak osasunean eragin ditzakeen kalteak larriak izan daitezkeela eta garestia dela salatu dute. «Burua duenak ez du erraustegirik nahi bere herrian eta bihotza duenak ez du nahi beste inoren herrian», adierazi dute.

Aldi berean, martxoaren 12an Andoainen Zubietako plantaren aurkako manifestazioa egingo dutela iragarri dute eta maiatzaren 29rako «ekimen eder bat» prestatzen ari direla.

«Errausketarik ez» zioen pankartaren ondoan ere argazki erraldoia atera dute ekitaldia amaitzean.

Errausketaren Kontrako Mugimenduaren deiarekin bat egin dute eskualdeko hainbat taldek, alderdi politikoek, kultur eragile eta auzo eta udal elkarteek. Sortu, Ezker Anitza, Equo, Irabazai, Podemos Ahal Dugu Lasarte Oria eta LAB eta ELA sindikatuek, esaterako.

Xingolaren bideoa: