Ekoizpena bost egunez etengo du urrian Mercedesek Gasteizko lantegian

Diesel automobilen inguruan nazioarteko merkatuan dagoen ziurgabetasun egoera dela medio, urrian bost egunez etengo du ekoizpena Mercedesek Gasteizko lantegian, baina geldialdi hori ez da aldi baterako erregulazio espediente baten bitartez egingo.

NAIZ|GASTEIZ|2018/09/07 19:28
Mercedes-gasteiz
Mercedesen Gasteizko lantegia. (Jaizki FONTANEDA/FOKU)

Sindikatuetako iturriek Efe agentziari jakinarazi diotenez, urriaren 8, 9, 10, 11 eta 15ean etengo dute ekoizpena, 12a eta 14an Estatu espainiarrean jaiegunak direla aintzat hartuta.

Enpresa batzordeko presidenteak eta idazkariak bilera egin dute zuzendaritzarekin eta informazio faltarengatik haserrea helarazi diote.

Iturriek azaldu dutenez, eten honek ez du aldi baterako erregulazio espediente bat ekarriko, langileek pilatuta dauzkaten orduak baliatuko baitira horretarako.

Gaineratu dute honakoa ez dela espero duten geldialdi bakarra eta seguraski abenduan beste bat izango dela.

Egun 5.400 langile inguru ditu Mercedesek Gasteizko lantegian.

Landabengo Volkswagenek fabrika zortzi egunez ixtea erabaki zuen –irailaren 3tik 7ra eta zehaztu gabeko beste hiru egun–, motorrak falta zaizkiolako, baina kasu honetan aldi baterako espediente baten bidez egin zuten.

 

En la última aportación al debate, el periodista Fermin Munarriz analiza la importancia que tienen los medios de comunicación en la formación de la identidad de una comunidad. Desde esa perspectiva considera que EiTB debe dejar de lado competencias estériles con grupos exteriores y empezar a pensar y actuar en clave de país.

EITB, TERRITORIO, CULTURA, SOCIEDAD
Fermin MUNARRIZ