Durangoko Azokak aurtengo edizioko iragarkia aurkeztu du gaur. Iragarkia Txakur Gorria sormen kolektiboak egindako kartelean oinarrituta dago, eta, animazioaren bidez, Landako Guneko mugimenduak irudikatu nahi ditu. Orrialdeak pasatzen, jendearen joan-etorria, sortzaileen sinadurak, bisitarien besarkadak... Azokaren aniztasuna jaso eta zabaldu nahi du beraz, iragarkiak.
Miren Amuriza eta Oier Guillan dira iragarkiaren narratzaileak. Euren hitzekin batera, Landakon entzuten diren soinuak agertzen dira, bestelako musikarik gabe.
«DA! asko dira» lelopean, Durangoko Azokak bere aniztasuna aldarrikatuko du abenduaren 5etik 9ra. Durangoko Azokaren 53. edizioa izango da aurtengoa eta azokako aniztasuna izango da, beraz, edizio honetako ildo nagusia.
Txakur Gorria sormen kolektiboak egin du aurtengo kartela. Ane Labakak, Nerea Ibarzabalek, Mariñe Arbeok eta Malen Amenabarrek osatzen dute kolektiboa.
Aniztasun hori ere presente izango da Azokako egitarauan: kontzertu handiak eta intimoak, antzezlan luzeak eta mikroantzerkiak, proiektu ezberdinen aurkezpenak, kultura digitala, film-emanaldiak, umeentzako tailerrak... Eta askotarikoak dira Azokan topa daitezkeen produktuak (nobela, saiakera, poesia-liburu, komiki, disko, binilo, ikus-entzunezkoak...)
Fermin Muguruzak 40 urteko ibilbidea berpiztuko du Bilbao Arenan eskainiko duen kontzertuan
Fallece un vecino de Hernani en un accidente de montaña en Aiako Harria
El despegue de EH Bildu y el retroceso del PNV provocan un empate inédito
De la victoria de EH Bildu en Eibar al empate de Laudio, pinceladas de una noche histórica
