Ertzaintzaren helikoptero batek 37 urteko gizonezko bat erreskatatu du astelehen honetan, Billano itsasargiaren inguruan parapentearekin istripua izan ondoren, Gorlizen (Bizkaia). Ertzaintzako Mendi ataleko ertzainak zihoazen helikopteroan, eta zauritua Gurutzetako ospitalera eraman dute, Lakuako Segurtasun Sailak jakinarazi duenez.
Astelehen honetan, arratsaldeko 14:30 aldera, herritar batek SOS Deiak 112 larrialdi zerbitzuari jakinarazi dio parapentista bat erori egin dela eta zaurituta zegoela. Emandako datuen arabera, gizonezkoa konortearekin zegoen baina gerrialdean mina zuen. Gorlizko Fano Bidearen inguruan zegoen, Ermua mendiaren eta Billano itsasargiaren artean.
Lakuako Larrialdiei Aurre Egiteko Zuzendaritzako teknikari batek mobilizatu egin ditu osasun zerbitzuak, suhiltzaileak eta Ertzaintza, baina zonaldeko orografia dela eta, azkenean Ertzaintzako helikoptero bat bertaratu da zauritua erreskatatu eta Gurutzetako ospitalera eramateko.
Fermin Muguruzak 40 urteko ibilbidea berpiztuko du Bilbao Arenan eskainiko duen kontzertuan
Fallece un vecino de Hernani en un accidente de montaña en Aiako Harria
El despegue de EH Bildu y el retroceso del PNV provocan un empate inédito
De la victoria de EH Bildu en Eibar al empate de Laudio, pinceladas de una noche histórica
