Mitchelton-Scott taldeko Lucy Kennedy australiarra izan da Durango-Durango Emakumeen Sari Nagusiko irabazlea. Kennedyk Goiuriako azken aurreko igoeran egin du aurrera eta azken kilometroak bakarka egin ditu, Ezkurdi Plazan besoak jaso ahal izateko.
Atzetik hirukote bat jardun da Kennedy harrapatu nahian. Lana egitea Shara Gillow australiarrari (FDJ) eta Soraya Paladin italiarrari (Ale-Cipollini) tokatu zaie, Amanda Spratt Kennedyren taldekidea izanik, gurpilean joan delako uneoro.
Lasaitasun hori bikain baliatu du Spratt australiarrak taldetxoan azkarrena izateko eta Mitcheltoni lehen bi postuak emateko, 26 segundora. Hirugarren Paladin izan da eta laugarren Gillow. Atzetik, 59 segundora, Amy Pieters (Boels) holandarra sartu da bosgarren.
Euskaldun onena Ane Santesteban (WNT) izan da, 11. postuan, irabazlearengandik zazpi minutura.
Gogoratu Emakumeen Bira, World Tour zirkuituko proba, asteazkenean hasiko dela eta larunbatera arte luzatuko dela lau etaparekin.
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
