NAIZ
BAIONA

Bizi!-k Espainiako Kontsuletxean egin den espainiar banderaren bahiketa aldarrikatu du

Bizi! mugimenduak bere gain hartu du gaur goizeko 4:30etan Baionan dagoen Espainiako Kontsuletxean egin den «espainiar banderaren bahiketa».

Gaur gauean kendu dute bandera. (Bizi!)
Gaur gauean kendu dute bandera. (Bizi!)

Bizi! mugimenduak bere gain hartu du gaur goizeko 4:30etan Baionan dagoen Espainiako Kontsuletxean egin den «espainiar banderaren bahiketa». «Berriz itzuliko dugu baldin eta Estatu espainiarrak preso dituen bederatzi bahitu kataluniarrak libratuak badira. Bitartean, ongi tratatua izanen dela hitza ematen dugu», adierazi du ohar batean.

Azaldu duenez, «errotik demokraziari eta burujabetza herrikoiari lotua den bortizkeriarik gabeko mugimendu gisa, ezin dugu onartu, ezer ihardetsi gabe, bederatzi errepublikazale baketsu espainiar monarkiak bahiturik atxikitzea. Ezin dugu onartu 9 eta 13 urteko presondegi zigorra kondena jasan araztea gehienak hautetsiak diren bederatzi arduradun katalanei, erreferendum herrikoi baten antolakuntzan parte hartzeagatik edo horren sustengatzeagatik, horren bidez Katalan Parlamentuaren gehiengoaren nahiak errespetatuz».

«Ezin dugu onartu 2019an, Europaren bihotzean, errepublikar hautetsi batzuk kartzelatuak izan daitezen beren biztanleriaren kontsulta bat antolatu dutelako, molde demokratiko eta ez-bortitzean. Isilik edo geldirik egoteak Historiaren aurrean horren konplize bezala utziko gintuzke. Nehork edo ezerk ez du deretxoa populu oso bat bortxaz, mehatxuaz eta beldurraz hertsatzea. Katalan populuak behar du libreki eta demokratikoki bere geroari buruz erabakitzeko ahala ukan. 2017ko urriaren 1an erreferendum herrikoian parte hartu duten 2,3 milioi herritarrei ematen zaien erantzuna ezin da inondik ere beren ordezkarien edo bozeramaileen kartzelatzea izan. Elkarrizketaren eta hautetsontzien bideak gaina hartu behar du errepresio basatiari eta azken honek sortzen dituen frustrazio eta bortizkeriei», nabarmendu du.