Lilatoiak 6.500 emakume «norantza bakarreko bidean» jarriko ditu igandean

“Norantza bakarra du bideak” lemapean, igande honetan izango da Lilatoia emakumezkoen lasterketaren 31. edizioa, Donostian. Urtero legez, aurten ere izen-emateen marka hautsi du txapelketa aldarrikatzaileak.

naiz|2020/02/26
Lilatoia2020_aurkezpena
Lilatoiaren aurkezpena. (Donostiako Udala)

Aurtengo edizioan 6.564 emakumek eman dute izena, iaz baino 298 gehiago eta 2015ean (Atlético San Sebastián Cluba lasterketa antolatzen hasi zenean) baino 2.258 gehiago, asteazkenean Lilatoia aurkezteko ekitaldian jakinarazi dutenez.

Parte-hartuko dutenen erdiak baino gehiagok (%55ak) Donostiako Emakumeen Etxean erosi du dortsala; gainontzekoak, Tolosa, Irun, Gasteiz, Bilbo, Iruñea, Zumarraga eta Eibarren saldu dira, lehiaketaren Donostiaz aparteko sona erakutsiz.

10.30ean hasiko da 31. Lilatoia, Carros de Fuego entzun ostean eta Estibaliz Garridok sortutako Superemakumea abestiaren erritmora. Aurten, ibilbideak aldaketa batzuk izango ditu, San Martin kaleko lanak direla eta; hortaz, Askatasunaren hiribidean bira egin ondoren, Urbieta kalea erabat zeharkatuko du, Mendeurreneko plazaraino. Ondoren, Prim kaletik buelta emango dute San Martingo bidegurutzeraino. Gainontzeko ibilbidea urtero egiten den berdina izango da:Foruen Pasealekutik Kursaaleko zubira, Zurriola etorbidea zeharkatu, Nafarroa etorbidean biratu, eta Zurriolatik bueltan, Boulebardean amaituko da. Ibilbide guztia girotuta egongo da.

11.30ean adinaren araberako kategoriatan sailkatutako hiruna irabazleak sarituko dira Alderdi Ederren. Bestalde, tradizioa denez, parte-hartzaile gehien izango dituzten hiru taldeak ere sarituko dira, kasu honetan, Zumaiako Emakumeen Etxea, Urretxu-Zumarraga Ikastola eta Haztegi Ikastola.

Lasterketa baino gehiago

Eguneko egitaraua ez da, baina, lasterketara mugatuko. 09.40ean Zumba saioa egongo da parte-hartzaileek beroketak egin dezaten, Boulebardeko Kioskoan, Lorena Garayoaren eskutik. 10.05ean Ibarrako soka-tira taldea omenduko dute, eta 10.25ean Ane Asensio eta Ruth Alvarezek bost kilometroko lasterketa handbike-n egingo dute.

Lasterketaren ostean, berriz, Lilapotea egindo da, trititilariekin lagunduta.

 

NAIZ
Loading player...


KONPROMISOA, ERANTZUKIZUNA, ZORROZTASUNA

 

Elene CARRETO - FOKU
Loading player...


Konfinamenduaren erronketako bat da geure buruak eta gorputzak zaintzea. Bide horretan, martxoaren 30etik aurrera, NAIZek zumba saioak eskainiko ditu egunero, astelehenetik ostiralera, Elene Carreto dantzari durangarraren eskutik. Hauxe lehen saioa.