Afrikan epidemiaren garapena «dramatikoa» izaten ari dela jakinarazi du OMEk

Bi edo hiru egunetan kutsatutako estatuak bost izatetik 39 izatera pasa direla azaldu du kontinentea behar bezalako erantzuna emateko prest ikusten ez duen Matshidiso Rebecca Moetik, Osasunaren Mundu Erakundeko (OME) Afrikako kontinenterako zuzendariak.

NAIZ|2020/03/27
Afrika
Johannesburgo bezalako hiri handietako etxegabe kopurua izugarria da. (Michele SPATARI/AFP)

Covid-19aren epidemia Afrikan «garapen dramatikoa» izaten ari dela ohartarazi du kontinente horretarako Osasunaren Mundu Erakundearen (OME) zuzendariak France 24 katean emandako elkarrizketa batean. Bertan 40 herrialde inguru izan dira kutsatuak azken hilabetean.

«Egoera oso larria da, garapena dramatikoa izatenari baita, geografikoki gero eta zabalkunde handiagoa izaten ari da eta gaixotutakoen kopurua ere gero eta handiagoa da» azaldu du Matshidiso Rebecca Moetik.

Duela hilabete Afrikaren OMEaren esparruan, hau da, Saharaz hegoaldeko Afrika eta Aljerian kutsatutako estatu bakarra zegoen. Bi aste geroago, «bost estatu izan ziren, 50 kasurekin. Orain, bi edo hiru egun beranduago, 39 estatu ditugu eta 300 kasu inguru egunero». Orotara, gaur arte 2234 kasu atzeman dituztela azaldu du.

«Gainera ia 40 heriotzen berri izan dugu eta 70 pertsona inguru osatu dira, beraz, oso kezkagarria da izaten ari den garapena», berretsi du, afrikar estatuei «neurriak zorrotzeko» eskatu dien OMEren lurraldeko arduradunak.

Iturri ofizialetatik AFPk osatutako txostenaren arabera, eguerdian Afrikan 3.300 kasu eta 90etik gora heriotza izan dira.

Susmagarrien isolatzea, kirol edo erlijio taldeak batzea debekatzea edo eskolak ixtea bezalako neurriak hartu diren arren, Matshidiso Rebecca Moetik ulertzera eman duenez, kontinentea ez dago prest krisiari behar bezalako osasun erantzun bat emateko eta «erronka handi bat» du aurrean. «Egia da Afrikako etxe askotan familia ugarietan bizi garela. Sarri oso zaila da bakoitzak bere gela eduki ahal izatea. Komunitatean bizitzea oso errotuta dago. Birusaren hedatzea gelditzeko bestelako higiene neurriak bilatu behar ditugu», azaldu du.

«Birusaren hedapena murritzeko neurriak Afrikako kontestura egokitu behar ditugu eta ura denon eskura egotea babesten dutenekin lan egin».

Baina egindako esfortzu batzuk fruituak ematen ari direla ere nabarmendu nahi izan du. «Orain aste batzuk, bi estatu baino ez ziren gaitza diagnostikatzeko gai eta gaur egun 42 dira halakorik egin dezaketenak».

 

 

NAIZ
Loading player...


Koronabirusaren krisiak kaltetutako taldeei laguntza ekonomikoa eman eta euskal musikaren industria babestu eta kulturari egiten dion ekarpena balioan jarri nahi du NAIZ Kontzertuak ekimenak.

Elene CARRETO - FOKU
Loading player...


Konfinamenduaren erronketako bat da geure buruak eta gorputzak zaintzea. Bide horretan, NAIZek zumba saioak eskainiko ditu egunero, astelehenetik ostiralera, Elene Carreto dantzari durangarraren eskutik.