Lau pertsona gehiago hil eta 18k eman dute positibo Gipuzkoako adineko pertsonen egoitzetan

Hondarribiko eta Orioko aterpetxeez gain, Zarauzko zentroa ere bideratu da bizitokirik gabe geratzeko arriskuan daudenen pertsonen arretara.

NAIZ|2020/04/02
Erresidentziak
Lau hildako gehiago Gipuzkoako adineko pertsonen egoitzetan. (Raul BOGAJO / FOKU)

Covid-19ari lotuta, Gipuzkoako adineko egoitzetan beste lau pertsona hil dira eta 18 gehiagok eman dute positibo, Foru Aldunditik igorritako datuen arabera. Hil diren lau pertsonak Beasaingo Arangoitin, Irungo Caser Residencial Anakan eta bi lagun Tolosako Iurramendin bizi ziren.

Orotara, 12 dira kasu positiboren bat antzeman duten egoitzak, 18 dira hildako pertsonak eta 135 kasu positibo hauteman dira Gipuzkoako egoitza sarean. Gurutze Gorrira 25 pertsona eraman dira eta 10 lagun ospitaleratuta daude.

Beste alde batetik, Eider Mendoza foru bozeramaileak jakinarazi du Hondarribiko eta Orioko aterpetxeez gain, Zarauzko zentroa ere bideratu dela bizitokirik gabe geratzeko arriskuan dauden pertsonen arretara. Dagoeneko 10 pertsona eraman dira Zarauzko aterpetxera, «eta 30 plaza arteko edukiera izango» duela gaineratu du. 30 plaza horiek, beraz, udaletatik eta gizarte erakundeetatik bideratutako baliabideetara gehitzen dira, baita Hondarribian zabaldutako 25 plazetara zein Orion irekitako beste 20tara.

Aterpetxeok erabiltzea «egungo eta etorkizuneko beharren arabera» planteatzen dela gaineratu du, «kasu guztietan handitzea posible delarik eta helburu dugula sare bat sortzea». «Udalekin, hirugarren sektoreko eragileekin eta Osakidetzarekin lankidetza estuan jarraitzen dugu pertsona hauei behar duten arreta eskaintzeko, osasun krisi honen ondorioz bizi dugun errealitatearen aurrean, egoera zaurgarrian daudenak», azpimarratu da Gipuzkoako Aldunditik.

Horregatik, Gipuzkoako Foru Aldundiak Zarauzko aterpetxea ere bideratu du,

ERLAZIONATUTAKO ALBISTEAK

 

 

NAIZ
Loading player...


Koronabirusaren krisiak kaltetutako taldeei laguntza ekonomikoa eman eta euskal musikaren industria babestu eta kulturari egiten dion ekarpena balioan jarri nahi du NAIZ Kontzertuak ekimenak.

Elene CARRETO - FOKU
Loading player...


Konfinamenduaren erronketako bat da geure buruak eta gorputzak zaintzea. Bide horretan, NAIZek zumba saioak eskainiko ditu egunero, astelehenetik ostiralera, Elene Carreto dantzari durangarraren eskutik.