EAJk ez du Aberri Egun bateratuan parte hartuko eta ospakizuna sortu zuela erantsi du

Euskal Herria Batera ekimenak bultzatutako Aberri Egunaren ospakizun bereziarekin ez du bat egingo EAJk, astelehen honetan iragarri dutenez. Sabin Etxeko iturriek diotenez, alderdiak sortu zuen eguna eta ospakizun propioa egin nahi du, oraindik jakitera eman ez duen moduan.

NAIZ|2020/04/06
Aberri
Iazko EAJren Aberri Egunaren ospakizuna. (Aritz LOIOLA | FOKU)

Koronabirusak eragindako konfinamendu egoerak guztiz markatzen du aurtengo Aberri Eguna. Asteburu honetan iragarri denez, dolumina agertu, pandemiari aurre egiten ari direnak omendu eta herriaren etorkizunaren aldeko ospakizun bateratua izango da apirilaren 12an, Euskal Herria Batera ekimenak bultzatua, arlo ezberdinetako dozenaka herritar ezagunen eskutik: bakar batzuk aipatzeagatik, Angel Oiarbide, Gaizka Aranguren, Estitxu Garai, Iñaki Dorronsoro, Nerea Loron “La Furia”, Markel Susaeta...

Ekimen honekin ez duela bat egingo adierazi du EAJk astelehen honetan. Sabin Etxeko iturriek albiste ajentzien bitartez jakitera eman dutenez, ontzat ikusten dituzte Aberri Egunaren ospakizun guztiak baina berea egitea nahiago dute.

Bistan denez, ikurriñak balkoietan erakustea barnebilduko du bere deialdiak, etxetik ateratzeko ezintasuna dela eta. Gainerako zehaztasunak asteazkenean iragarriko ditu Andoni Ortuzar buru duen alderdiak, bai eta adierazpen propioa zabalduko ere.

Sabin Etxetik erantsi nahi izan dutenez, EAJk sortu zuen Aberri Eguna duela 88 urte, 1932. urtean hain zuzen ere, eta balkoietan ikurriñak jartzeko deia «beti» egin du, «aurtengoan arrazoi gehiagorekin».

ERLAZIONATUTAKO ALBISTEAK

 

 

NAIZ
Loading player...


Koronabirusaren krisiak kaltetutako taldeei laguntza ekonomikoa eman eta euskal musikaren industria babestu eta kulturari egiten dion ekarpena balioan jarri nahi du NAIZ Kontzertuak ekimenak.

Elene CARRETO - FOKU
Loading player...


Konfinamenduaren erronketako bat da geure buruak eta gorputzak zaintzea. Bide horretan, NAIZek zumba saioak eskainiko ditu egunero, astelehenetik ostiralera, Elene Carreto dantzari durangarraren eskutik.