Harrobia Ikastolako ikasleek konfinamendua alaitzeko marketin kanpaina abiatu dute

Harrobia Ikastolako Lanbide Heziketako ikasleek ‘EUScovid’ marketin kanpaina martxan jarri dute, umorea eta euskara uztartuz. Ekimenaren helburua koronabirusak sortutako egoerari umorearekin aurre egitea da. Edukiak kanpainaren sare sozialen bidez zabaldu dituzte.

NAIZ|2020/04/30
Euscovid-3
EUScovid kanpainarako sortutako meme bat. (Harrobia Ikastola)

Harrobia Ikastolako Lanbide Heziketako marketin eta publizitateko ikasleak Covid-19aren osasun larrialdiaren egoera arintzeko umorea erabili dute, hain zuzen ere, gazteei zuzendutako ‘EUScovid’ marketin biral kanpaina martxan jarri dute. «Ekimen honen helburua, egoera honi ahalik eta umore onenarekin aurre egitea da meme, gif, bideo muntaiez eta mota desberdinetako publikazio dibertigarrien bitartez», azaldu du Harrobia Ikastolak.

Ikasleek apirilaren lehenengo astean abiarazi zuten kanpainaren lan prozesua, brainstorming kolaboratibo batetik abiatuta. Edukiak EUScovid-en Instagram eta Twitter sare sozialen bide zabaldu dituzte, Whatsappez gain.

Euskarazko sare sozialetarako proiektua

Lanbide heziketako marketin ikasleek euskararen normalizazioan aurrera egiteko ‘EUScovid’ kanpainaren bitartez euskararen presentzia arlo digitalean nabarmendu nahi dute. «‘EUScovid’ euskarazko eduki digitalak kontsumitzeko gonbidapena da, izan ere, sareak eta Google-k euskarazko edukiak behar dituzte hizkuntzaren normalizazio horretan aurreratzeko», aipatu du Xabier Secok, Harrobia ikastolako marketin zikloko ikasleak.

Izan ere, ikasleek marketin digitaleko proiektu erreal honetan, besteak beste, ‘EUScovid’ kanpaina biralerako eduki plana diseinatu dute eta sare sozial bakoitzeko estrategia definitu dute.

 

 

NAIZ
Loading player...


Koronabirusaren krisiak kaltetutako taldeei laguntza ekonomikoa eman eta euskal musikaren industria babestu eta kulturari egiten dion ekarpena balioan jarri nahi du NAIZ Kontzertuak ekimenak.

Elene CARRETO - FOKU
Loading player...


Konfinamenduaren erronketako bat da geure buruak eta gorputzak zaintzea. Bide horretan, NAIZek zumba saioak eskainiko ditu egunero, astelehenetik ostiralera, Elene Carreto dantzari durangarraren eskutik.