Kobratzen jarraitzearen erabakia «arduragabekeria izugarria» dela uste du EH Bilduk

Juan Karlos Izagirre, EH Bilduren Gipuzkoako bozeramailearen iritziz, Aldundiak kontrako bigarren epaia jaso ostean hartutako erabakia «gipuzkoar guztien kalterako da» eta urteko 12 milioi inguruko galerak suposa ditzake behin betiko epaia ere zentzu berean badoa.

NAIZ|2020/05/26
Bidesariak
Kamioi bat Andoaingo bidesari arkuaren azpitik pasatzen (Jon URBE/FOKU)

Aurkako sententzia jaso ostean, Gipuzkoako Aldundiak kamioiei bidesariak mantendu eta kobratzen jarraitzea «arduragabekeria izugarritzat» jo du EH Bilduk.

«Behin eta berriz esan genuen. Kobratzen jarraitzea, sententzia ezagutu gabe, arduragabekeria zen. Gipuzkoar guztien kalterako erabakia da gobernu honek hartu zuena. Kudeaketa txarra, garesti aterako zaiguna», adierazi du Juan
Karlos Izagirre, EH Bilduren Gipuzkoako bozeramaileak.

Koalizio subiranistak ohar batean dioenez, «EH Bilduk 2018ko uztailean ohartarazi zuen bidesarien inguruan EAJk hartutako erabaki okerrek urteko 12 milioi inguruko zuloa ekar dezaketela gipuzkoar guztientzat, behin betiko sententzia kontrakoa baldin bada, itzuli egin beharko direnak. Izan ere, orduan adierazi zuten EAJ-PSEk bidesarien inguruko Foru Araua aldatzeko asmoa, udan, Batzar Nagusietan hilabete baliogabea zenean eta inongo azterketa juridikorik aurkeztu gabe». 

ERLAZIONATUTAKO ALBISTEAK

 

ARGAZKI GALERIA
Gaizka PEÑAFIEL | FOKU


Mungiako laukoteak NAIZ Kontzertuak ekimenaren seigarren gaua erre zuen ostirala gauean. Sanagustin Kulturunea, eliza zaharra musikari emana. Rock-ak: 1 - Jainkoak: 0. Ibilbide labur baina sakonean sortutako klasiko eta kaleratzear dauden abestientzako lekua egon zen; hori bai, kanta zaharrak edo ezagunak soineko berriekin aurkeztuta.