Antonio Oyarzabal piano-joleak emakumeek sortutako piezekin kontzertua eskainiko du

Abuztuaren 2an izango den ‘La Musa Olvidada’ kontzertuak emakume piano-joleen piezez osatutako errepertorioa jasoko du Euskalduna Jauregian. Urtebete ikertzen eman ondoren, Antonio Oyarzabalek itzalpetik aterako dituen musikaren «harribitxiak» dira.

Naiz|2020/07/28
Antoyarzabal
Oyarzabalek gaur egin du aurkezpena. (Luis JAUREGIALTZO / FOKU)

Antonio Oyarzabal piano-joleak bakarlari gisa egingo duen lehen kontzertua aurkeztu du astearte goiz honetan Euskalduna Jauregian, ‘La Musa Olvidada’, abuztuaren 2an emango duen errezitaldia. Oyarzabalek emakume konposatzaileek pianorako idatzitako piezen errepertorioa entzuteko aukera emango du.

Piano-joleak urtebeteko ikerketaren ondoren itzaletatik ateratzen dituen «arreta handiz hautatutako musikako benetako harribitxiak» dira. Izan ere, errezitaldiko egitaraua egiteko emakume konposatzaileek testuinguru desberdinetan pianorako eta ganbera-musikarako idatzitako errepertorioaren irakurketa lan sakona egin behar izan du.

Antonio Oyarzabalentzat Euskalduna Jauregian bakarlari gisa egingo duen debuta une garrantzitsua da; izan ere, orkestretan eta ganbera-taldeetan askotan aritu bada ere, inoiz ez da bakarka jardun. «Ilusioz betea eta hunkigarria da nire piano proiektu profesionala nire herrian aurkeztea, nire jendearen eta lagunen aurrean, eta dugun egoerarengatik hainbat gauza bertan behera uzten ari diren garai hauetan». Piano-joleak adierazi duenez, bere oroimena oso erlazionatuta dago EOSekin eta areto hauetatik igaro diren piano-jotzaile handiekin, «izan ere, beti amestu dut areto hauetan jotzearekin».

‘La Musa Olvidada’, bere lan guztiak bezala, proiektu liluragarriak bilatzeko etengabeko gogotik sortu zen, ohikoak ez diren errepertorioen bilaketatik. Piano-jolearen hitzetan, «nire nahia, ikus-entzuleek obra bitxiak entzutea eta gogoeta egitea edo euren buruari horrelako kontzertu gehiago zergatik ez diren egiten galdetzea da», esan du.

 

NAIZ KONTZERTUAK
Loading player...


Bederatzi talde, bost Euskal Herriko areto... Denboraldi honetako NAIZ Kontzertuen unerik onenak.