Eibarrek eta Jose Luis Mendilibarrek jokalari garrantzitsu bat lotu dute denboraldi berrirako. Pedro Leon (Mula, 1986) 2016ko udan heldu zen Eibarrera, Getafen oso itxura ona eman eta gero, eta orain beste urte baterako sinatu du talde armaginarekin. Heldu zenetik, 91 partidu ofizial jokatu ditu kamiseta armaginarekin (89 Ligakoak eta hiru Kopakoak), eta 14 gol sartu ditu guztira.
Bere urterik onena lehenengoa izan zen. 37 partidatan hamar gol sartu zituen –profesional bezala lortu duen zifrarik handiena–, baina lesioak medio, bere eboluzioa geldituta egon zen hurrengo bi denboraldietan, partida gehienak etxetik edo harmailetatik ikusi behar izan zituela.
Amaitu berri den denboraldian, aldiz, frogatu zuen atzean utzi dituela lesio guzti horiek. Azken sasoian 31 partidu jokatu zituen, horietatik 23 hasierako hamaikakoan.
Kontratu berria sinartu ostean, murtziarrak honakoa adierazi du bere Twitter kontuan: «Plazer bat da 17 urte betetzea Ligan Eibarrekin. Eskerrik asko armagin eta jarraitzaile guztiei hainbeste maitasun emateagatik».
Eibarrek jokalari garrantzitsua lotu du Pedro Leonekin, baina beste jokalari batzuk galdu ditu datorren denboraldirako: Gonzalo Escalante, Fabian Orellana, Ivan Ramis, Charles edota De Blasis.
Es un placer, cumplir 17 temporadas en @LaLiga con la @SDEibar.
— Pedro León (@PLeonSanchez) August 6, 2020
Gracias a todos los armeros y aficionados en general, por tanto cariño.
❤️💙 pic.twitter.com/U8gDnQaQmk
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
¿Quién le ha dicho a Pradales que mienta?
