Euskal Herria Kopak txapeldun berria izango du igandean. Euskal Herria Kirolak covid19ak sortutako eragozpen guztiak gainditu eta txapelketaren 10. edizioa antolatu du, formatoa moldatu behar izan badu ere. Lau taldek hartuko dute parte eta asteazkenetik eta igandera bitartean jokatuko dira finalerdiak, konsolazio finala eta finala.
Etzi lehiatuko dira finalerdiak: Athleticek eta Eibarrek Lezaman jokatuko dute (18.00) eta Realaren eta Osasunaren arteko neurketa Zubietak hartuko du ordu berean. Partida bien galtzaileek konsolazio finala jokatuko dute larunbatean Fanderian (17.30) eta irabazleak, iaz Realak jantzi zuen txapelaren bila arituko dira igandean Urritxen (16.00), ETBk zuzenean eskainiko duen finalean.
2020ko Euskal Herria Kopak beste berritasun batekin dator, hurrengo asteotan jokatuko baita datorren urteko txapelketaren lehen fasea. Antolatzaileek aurreratu dutenez, Gipuzkoa, Bizkaia, Araba, Nafarroa Garaia eta Lapurdiko futbol talde onenek jokatuko dute sailkapen fase hau eta garaileek hurrengo edizioaren fase finalean parte hartuko dute. Partidak irailaren amaieratik urriaren 11ra bitartean jokatuko dira, oraindik data zehatzak finkatzea falta bada ere.
EUSKAL HERRIA KOPA - FINALAK
2011 (Bakio): Athletic, 4 - Real Sociedad, 1
2012 (Beasain): Real Sociedad, 2 - Athletic, 0
2013 (Azpeitia): Athletic, 1 - Real Sociedad, 0
2014 (Bilbo): Athletic, 3 - Real Sociedad, 1
2015 (Zarautz): Athletic, 1 - Real Sociedad, 0
2016 (Gernika): Athletic, 3 - Real Sociedad, 0
2017 (Elgoibar): Athletic, 3 - Real Sociedad, 0
2018 (Zornotza): Athletic, 5 - Real Sociedad, 1
2019 (Azpeitia): Real Sociedad, 3 - Athletic, 0
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
