0 iruzkin

«Arma en mano y puño levantado, hoy vamos para Madrid»

Arma argazki kamera bat da baina Madrilera Espainiako Auzitegi Nazionalera joan da gaur sarean @erreharria izenarekin ezaguna den Alfredo Remirez. Berak igorri du izenburuan jaso dugun esaldia zeraman txioa. Elkartasun mezu andana jasotzen ari da arabarra.

Txio batzuk tarteko «terrorismoa goratzea» egotzi diote Alfredo Remirezi, 2015eko maiatzean atxilotu zuten ‘Operación Araña’ delakoaren hirugarren kolpean. Bere babeserako alfreedo.info webgunea jarri zuten garaian martxan. Besteak beste, epaiketaren gastuei aurre egiteko aukera ere eskaini dute bertan.

Info7 irratian azaldu zituen @erreharria-k berak bere aurka egiteko Poliziak erabilitako arrazoiak:

Loading player...

Azkenean fiskaltzarekin akordioa onartu behar izan du Alfredo Remirezek espetxea ekiditeko. Urte eta erdiko zigorra ezarri diote eta 14 urte eta erdiko inhabilitazioa baina ez du espetxera joan beharrik izango.

/