Estatuko helmugek izango dute, beste urte batez, Expovacaciones azokaren 45. edizioaren pisurik handiena. Besteak beste, honako hauek: Andaluzia, Aragoi, Kanariar irlak, Kantabria, Valentziako Erkidegoa eta Katalunia. ‘Tokiko turismoaren balioa’ irudikatzeko, Eusko Jaurlaritzak eta Bizkaiko Foru Aldundiak «stand» propioa izango dute.

Ekitaldiak iraungo duen hiru egunetan, BECeko 1. pabiloian, 100 jarduera baino gehiago egingo dira «azokan zehar ibilbide oso aktiboa proposatzeko», hala nola origami tailer bat, ipuin kontalariak, artisautza-lanak edo parapente-simulagailu bat. Jarduera gastronomikoen artean, bisitariek hainbat jatorritako produktuak dastatu ahal izango dituzte, hala nola gaztak, olioak, ardoak edo sagardo eta talo dastaketa, ‘Txotx-Experience’ tokiko produktuetarako gunean. Gainera, 3 urtetik gorako umeei zuzendutako ludoteka bat egongo da, pintakarak, eskulanak eta zumba txikia bezalako jarduerekin.

Azoka paraleloak

Expovacacionesek okupatzen duen pabiloiaren barruan hiru azoka izango dira, «eskaintza osatzen dutenak eta bidaiak ulertzeko eta gozatzeko modu berriak hurbiltzen dituztenak»: Caravaning, gurpil gaineko turismorako, Aukerako Ibilgailuen Azoka eta SET Congress, «pantailako turismoaren» lehen edizioa, hau da, ikus-entzunezko ekoizpenak hartu dituzten lekuetara turismoa.«Bizkaia estatuko bosgarren helmuga  da pantailako turistentzat», azaldu du Ana Alonso kongresuaren antolatzaileak.