Sekulako ikuskizun koloretsu eta alaia da Allahabadeko (India) Dusshera edo Vijayadashami jaialdia. Urri inguruan egiten da urtero eta, tenpluak apaintzeaz gain, bazter guztietan aurki daitezke prozesio erlijiosoak, zeinetan izaki mitologikoz mozorrotzen baitira hango biztanleak. Lord Rama jainko hinduak Ravana deabrua garaitu zuela ospatzen dute, baita Durga jainkosak Mahishasura bufaloa garaitu zuela ere.