GARA DONOSTIA|2013/11/13 01:00
Batzar Nagusien onarpenaren esperoan geratu da foru araua

Gipuzkoako errepideak finantzatzeko ibilgailu astunen foru-arau proiektua atzo onartu eta gaur Batzar Nagusien eskuetan jarriko du Diputatuen Kontseiluak, bertan eztabaidatua eta bozkatua izan dadin. Eurek egingo ez luketen proposamena dela adierazi zuen Larraitz Ugartek, «oposizioko alderdiek onartzeko modukoa baizik». 26 milioi euro jasotzea aurreikusi dute, A-15, N-I, N-121 eta GI-632 errepideetan zehar jarriko dituzten hamalau arkuei esker.