2018/07/11

EHUn ordubeteko lanuztea egin dute, ostiralean hildako lankidea gogoratzeko

Maiatzaren 21ean Bilboko Ingeniaritza Eskolan langile batek istripua izan zuen eskailera batzuetatik erortzean. Ordutik koma egoeran zegoen, pasa den ostiralean haren heriotzaren berri eman zuten arte.

GARA|BILBO
0711_eko_ehu

EHUko sindikatuetako ordezkariak campus guztietan elkarretaratu ziren atzo eguerdian lan istripu baten ondotik ostiralean zendu zen lankidea gogoratu eta laneko ezbeharrak gaitzesteko.

Gehiengo sindikalak deituta, (LAB, ELA, Steilas, UGT, CCOO) langile zein ordezkariek ordubeteko lanuztea egin zuten 12.00etatik 13.00etara eta, tarte horretan, ordu erdiz mobilizatu ziren. Istripua gertatu zen Ingeniaritza Eskolaren parean batzeaz gain, Leioan, Donostian eta Gasteizen ere egin zituzten elkarretaratzeak.

Unibertsitateko Administrazio eta Zerbitzuetako langilea zen ostiralean zendu zena, hilabete eta erdi koman egon ostean. Istripua maiatzaren 21ean jazo zen Bilboko Ingeniaritza Eskola barnean. Larrialdi egoeretarako kokatuta dauden eskaileretatik erori zen langilea eta buruan kolpea hartu zuen.

«Unibertsitateko langileek bizitza galtzerainoko istripuak gertatzen jarraitzea salatzeko» asmoz deitu zuten sindikatuek elkarretaratze bateratua. LABek jakinarazi zuenez, Hego Euskal Herrian urtea hasi zenetik 25 langile hil dira lan istripuetan; astean heriotza bat, kasik (0,92).

ELA, bide batez, «gertaera samingarri» honek Unibertsitateak daukan prebentzio politikan hausnarketa eta aldaketa sortu behar lituzkeelakoan dago. Laneko Osasun eta Segurtasun batzordeen mahaiburuetan, Prebentzio Zerbitzuaren zuzendaritzan eta arrisku prebentzioaren alorrean Unibertsitateak berak izan behar duen jarreran aldaketak exijitu zituen.

Udaletxean ere geldialdia

Bilboko Udalak ere bat egin zuen EHUko langilea gogoratzeko deitutako mobilizazioekin eta Udalean dauden alderdi politiko guztien ordezkariak eraikinaren aurrean elkarretaratu ziren atzo, goizeko 11.30ean.

Gertatutako guztia argitzeko behar adinako bitartekoak martxan jartzeko exijitu zioten Osalani astelehenean helarazitako prentsa oharrean.

25 LANGILE


LABen datuen arabera, urtea hasi zenetik «gutxienez» 25 langile hil dira lan istripuetan Hego Euskal Herrian. Astean kasik langile bat (0,92) hiltzen da bere lanpostuan.
20 AÑOS DEL CIERRE DE 'EGIN'
Ion T. BARRENA
Loading player...


El 15 de julio de 1998 el juez Baltasar Garzón ordenó el cierre de 'Egin', una operación que asumió como propia el entonces presidente del Gobierno español, José María Aznar, «¿alguien pensaba que no nos íbamos a atrever?», dijo desde Turquía.

 20 urte 'Egin'-en itxieratik 
 ARGAZKI GALERIA